Estado remimoĩmbynguéra oikotevẽ ojoaju sector privado rehe ojokupyty hag̃ua hemikotevẽnguéra, ha omoañetévo hembiapo teekuéra.

Ko’ápe rejuhúta marandu reikehag̃uáicha Estado ñemuha rendápe ha rehekakuaáta juruja oĩva, taha’e mba’erepy ñeme’ẽ, kuave’ẽmby, apopy térã consultoría Paraguái Estado -pe.

Oimeraẽ tapicha, taha’e yvypóra térã temimoĩmby, ohepyme’ẽkuaa Estado-pe, upeva’erã oñemboguapyraẽ héra Estado Mba’erepyme’ẽhára kuatia teére.

Mba’eporãita Tetã Mba’erepyme’ẽhárape g̃uarã

1. Ñemuhaguasúpe jeikerã
   Estado ha’ehína omba’ejoguavéva tetã ryepýpe, tapiaite oiporavo ha ojoguáva mba’erepy, tembiapoita apo ha consultoría, ohupyty hag̃ua hembiaporã tee.
2. Opaichagua ñeñemurã oportunidad oĩva
   Oĩ licitación opaichagua ñemuha tuichakuépe g̃uarã upéva ohejahína tereike umi área ou porãva nde experiencia ha nde katupyrykuépe.
3. Mba’erepyme’ẽhára Registro ñemongu’e pya’erã
   Estado Mba’erepyme’ẽhára Registro rupive, emohenda ne ñemuha marandu, eike pya’eve hag̃ua hetave contratación ñembosako’ípe.
4. Licitación rehegua marandúpe jeike jehepyme’ẽ’ỹre
   Licitación rekaha rupive reikuaa, rehepyme’ẽ’ỹre, umi opotunidad oĩva ha rembosako’i nde jeroike pya’eve.
5. Ñembokatupyry ha ñemoaranduve
   Compras Públicas Instituto Técnico Superior rupive, ikatu reñembokatupyryve mbojojahakuéra, jehape’apo ha mba’eporã apópe, ha rejeikuaave rehóvo Estado ñeñemuháme.
6. Ikatu reñemoakãrapu’ã  ha reñemopyendave
   Remoñemunguévo Estado-pe, ne ñemuha oñemombareteve ha ojejeroviave avei hese, ha péva avei neipytyvõkuaa sector privado-pe.